Bill Gates beson se përparimi i shpejtë i inteligjencës artificiale do t’i lejojë njerëzit të reduktojnë javën e punës në vetëm tre ditë, sepse “makinat mund të bëjnë të gjitha gjërat”.

“Nëse përfundoni me një kompani ku duhet të punoni vetëm tre ditë në javë, ndoshta është mirë”, tha ai.

Multimiliarderi parashikoi se mund të vijë dita kur njerëzit “nuk duhet të punojnë aq shumë” vetëm për të përballuar jetesën.

A arriti OpenAI të ‘zgjojë’ super-inteligjencën artificiale, pse kjo teknologji do të shkatërronte njerëzimin

Në muajin mars, ai shkroi se shfaqja e inteligjencës artificiale mund të ketë po aq ndikim në shoqëri sa telefonat celularë dhe interneti.

“Do të ndryshojë mënyrën se si njerëzit punojnë, mësojnë, udhëtojnë, marrin kujdes shëndetësor dhe ndërveprojnë me njëri-tjetrin”, pohoi themeluesi i Microsoft.

Gates tha se “të gjitha industritë do të riorientohen rreth saj”, dhe se kompanitë do të ndryshojnë në atë se sa mirë e përdorin atë.