Ndërmjetësi i Bashkimit Evropian në dialogun Kosovë – Serbi, Miroslav Lajçak, është takuar sot në Zvicër me zëvendëskryeministrin e Kosovës, Besnik Bislimi, për të diskutuar për dialogun.

Lajçak ka thënë se kanë biseduar për një gamë të gjerë të çështjeve të ndërlidhura me dialogun dhe se janë pajtuar që zbatimi i shpejt i Marrëveshjes së Normalizimit është urgjent.

“Para Forumit Ekonomik Botëror në Davos jam takuar me zëvendëskryeministrin e parë Besnik Bislimi për të diskutuar për një gamë të gjerë të temave të dialogut dhe pritjet për avancimin e normalizimit të marrëdhënieve me Serbinë në periudhën e ardhshme. Jemi pajtuar që zbatimi i shpejtë i Marrëveshjes për Rrugën drejt Normalizimit është urgjent”, ka shkruar Lajçak në platformën “X”.

Ahead of @Davos, I met First DPM @BislimiBesnik to discuss a wide range of Dialogue-topics and expectations on advancing the normalisation of relations with Serbia in the coming period. We agreed that swift implementation of the Agreement on the Path to Normalisation is urgent. pic.twitter.com/qwHccdOlVC

— Miroslav Lajčák (@MiroslavLajcak) January 15, 2024