Aksionari Hakif Gashi është zgjedhur kryetari i ri i klubit më të madh në futboll, FC Prishitna, raporton Insajderi.

Takimi sapo ka përfunduar dhe kryesia ka vendosur që Hakif Gashi të jetë pasardhësi i Remzi Ejupit.

Po ashtu është zgjedhur bordi i ri teknik.

Anëtarë janë Rrahman Haradini, Remzi Ejupi, Sinan Vllasaliu, Ismet Begolli, dhe Hakif Gashi.

Hakif Gashi tash e disa vite është aksionar  i klubit.

Gashi është sipërmarrës i njohur dhe posedon një nga rrjetet më të zgjeruara të supermarketeve në Kosovë

Pas shpalljes kampion dy vjet më parë, bardh e kaltrit e mbyllën stinorin në pozitën e pestë në tabelë në stinorin paraprak.

Te Prishtina janë zotuar se ky vit do të jetë vit i ndryshimit, madje epokën e re e kanë filluar me zyrtarizimin e trajnerit Ismet Munishi.

/Insajderi/