Përfaqësuesi i Lartë i BE-së për Politikë të Jashtme dhe Siguri, Josep Borrell pas takimit mes BE-së dhe ministrave të jashtëm të Ballkanit Perëndimor shpreh se vendi i shteteve të Ballkanit Perëndimor është në BE.
Borrell në “X”, ka shkruar se BE dëshiron të avancojë integrimin e rajonit në vendimmarrjen e tyre.
“Kryesimi i takimit ministror BE dhe Ballkani Perëndimor këtë mbrëmje me 6 ministrat e rajonit. Ne duam të avancojmë integrimin e rajonit në vendimmarrjen tonë, duke përfshirë politikën e jashtme dhe të sigurisë – tashmë përpara anëtarësimit. Vendi i shteteve të Ballkanit Perëndimor është në BE”, ka shkruar ai.