Së shpejti do të botohet romani më i ri i shkrimtarit Binak Kelmendi, njëherit kryetar i PEN Qendrës së Kosovës. Romani do ta ketë titullin “Demë Dedë Boga” dhe do të botohet nga shtëpia botuese “Koha” në Prishtinë.
Sipas njoftimit të shkrimtarit Kelmendi, romani i tij i ri do ta trajtojë periudhën e fillimkonvertimit nga feja katolike në atë myslimane pak para fillimi të shekullit 18-të në Bogë të Rugovës, por edhe ngjarje të tjera ndodhur më herët dhe më vonë në këtë katund e që ndërlidhen me Demë Dedë Bogën, që konsiderohet myslimani i parë aty.
Shkrimtari Kelmendi, po ashtu, njofton se romani i tij “Demë Dedë Boga” në duar të lexuesit do të jetë në Panairin e Librit të Prishtinës që nga 6 qershori i këtij viti.