Kanë kaluar më shumë se 150 ditë, që kur Brittney Griner u arrestua në Rusi, pasi mbante një avullues vaj hashashi në bagazhin e saj. Lojtarja e WNBA-së i ka kërkuar presidentit të Shteteve të Bashkuara, Joe Biden, ta ndihmojë atë me situatën e saj aktuale dhe disa të famshëm të shquar po mbrojnë gjithashtu kauzën e saj.

Ndërsa disa emra të shquar, duke përfshirë LeBron James të NBA-së, kanë bërë thirrje për kthimin e sigurt të Griner në Shtetet e Bashkuara, të tjerët nuk kanë qenë aq falës dhe ish –bejsbollisti i njohur i MLB, Curt Schilling, ishte i fundit që shprehu pakënaqësinë e tij për veprimet e Griner.

Në përgjigje të një postimi nga James, Schilling pretendon se Griner duhet të paguante për veprimet e saj dhe se ajo ka shkelur ligjin. “Unë e di se kjo mund të duket si një shtrirje,- tha Schilling në Twitter. – Por diçka që rreth 300 milionë njerëz e kuptojnë mirë shprehjen ‘BINDJUNI LIGJIT’, pse për disa kjo qenka një sfidë? Dhe pse dreqin NUK duhet të paguaj gjobën për shkeljen e ligjeve të një vendi tjetër?”- vazhdoi ish-bejsbollisti i Boston Red Sox dhe Arizona Diamondbacks.