Nuk ka ditë që të mos ketë lajme dhe ndodhi të reja për Armando Brojën, jo vetëm në Shqipëri që është mëse normale, por edhe në Angli e më gjerë.

Armando Broja është padyshim një nga emrat më të lakuar në këtë merkato vere. Të shumta kanë qenë klubet Europiane, që kanë shfaqur interes për shërbimet e sulmuesit shqiptar që bëri një sezon të shkëlqyer te Sauthempton, në sezonin që sapo u mbyll.

“Blutë” kërkojnë afro 30 milionë paund për ta lënë të lirë Brojën, për të cilin nuk mungojnë ofertat.

Ndërkohë së fundmi gazetari i “Goal”, Nizar Kisnella, zbulon se një kusht i vendosur nga sulmuesi i Shqipërisë në negociatat me të gjitha klubet që interesohen për të.

Kushti është garancia që kërkon Broja për të qenë në plan të pare. 20-vjeçari do të aktivizohet si titullar dhe jo të jetë zgjedhje dytësore në klubin që ai do të transferohet.

West Ham, Napoli, Atalanta, Evertoni, Lazio, janë disa nga emrat e rëndësishëm që kanë shfaqur interes për shërbimet e bomberit shqiptar. Gjithsesi ekziston mundësia, që me Lukakun thuajse të larguar, që Brojës ti jepet një shans edhe te klubi prestigjioz i Chelseat.