Më 11 gusht në Prishtinë, do të mbahet koncerti i Capital T “Time Capsule 2”.

Edhe në këtë koncert veç Trimit do të performojnë edhe shumë artistë të tjerë kombëtarë dhe ndërkombëtarë.

Një ndër to edhe Akon. Lajmin e bëri me dije vetë Capital-i.

“Më bën vërtet të lumtur të mirëpres një legjendë të gjallë në vendlindjen time, në koncertin tim”, shkroi në Instagram reperi.

Në mesin e një prej turneve të tij legjendarë në Europë, Akon pranoi ftesën për të ardhur në Prishtinë në Time Capsule II. Përpos faktit që është këngëtar i kalibrit botëror, Akon është një producent i shkëlqyer dhe filantrop i rrallë.