Shumë gjëra mund të ndodhin në një minutë. 60 sekonda mund të kalojnë me një të përpëlitur të syve për dikë që është duke shfletuar në Facebook apo kontrolluar e-mail-in.

Duke i kombinuar së bashku gjithë këtë aksion online, më në fund kemi një paraqitje të jetës në internet në një minutë.

Sipas të dhënave të përpiluar nga Lori Lewis dhe Officially Chadd, një minutë në internet mban 1 milion kyçje në Facebook, 4.5 milionë video të para në YouTube, 1.4 milion tërheqje majtas ose djathtas në Tinder dhe një total prej 41.6 milionë mesazhe të dërguara në WhatsApp dhe Facebook Messenger.

Po të njëjtin minutë bëhen 3.8 milionë kërkime në Google, 347,22 shfletime në Instagram dhe pothuajse një milionë dollarë shpenzuar online.

Krahasuar me vitin e kaluar kyçjet në Facebook dhe kërkimet në google thuajse kanë qëndruar të pandryshuara. Por në 2019-ën për Netflix ishte histori tjetër sepse trefishoi kohën që përdoruesit shpenzojnë duke parë filma në platformë.