Nënkryetarja e Partisë Demokratike të Kosovës, Vlora Çitaku, ka reaguar për propozimin e qeverisë për shkallëzimin e sanksioneve për të gjithë ata që nuk konvertojnë targat ilegale serbe në ato RKS.
Vendimi i ri qeveritar parasheh disa masa, të ndara në faza të ndryshme, e që përfundojnë më 21 prill 2023, pas cilës datë, sipas kryeministrit nuk do të lejohet të ketë targa të tjera në Kosovë.
Çitaku përmes një postimi në Facebook, i ka kërkuar kryeministrit Kurti të mos humb kohë me targat.
“Kjo puna e qortimit a po i bjen që kanë me ua thirrë prindërit a qysh?”, ka ironizuar Çitaku.
“Kryeministër, mos humbë kohë me targa. Konteksti gjeopolitik është në anën tonë. Marrëveshja gjithëpërfshirëse me njohjen reciproke në qendër është e mundur nëse punojmë mençur dhe me maturi”, ka shkruar ajo.