Debatik Curri ka thënë se Prishtinës të dielën i ka munguar Bujar Pllana dhe kapiteni Gledi Mici, por ka qenë i kënaqur me paraqitjen e lojtarëve të rinj.

Trajneri i Prishtinës tha se Prishtina ka qenë më e mirë në këtë ndeshje.

“Mund të them se kishim dy mungesa shumë të rëndësishme. Gledi Mici por edhe Bujar Pllana. Kur e dominon ndeshjen të nevojitet edhe harkimi i fundit por nuk e patëm. Jam i kënaqur me paraqitjen e lojtarëve të rinj. Kemi pasur presion që të fitojmë, ndërsa Gjilanit i duhej edhe barazimi. Në pjesën e dytë nuk patën ndonjë rast. Ne në çdo ndeshje japim maksimumin por të shohim se çfarë do të ndodh”, tha Curri.