Këngëtarja e njohur shqiptare Dafina Zeqiri, ka publikuar albumin e shumëpritur “Dafinë Moj”.

Ky album është në bashkëpunim me artista të ndryshëm, të muzikës.

“Dafinë Moj” ka plot 14 këngë, 10 prej të cilave janë bashkëpunime me emra të njohur të muzikës.

Kënga e parë e albumit mban të njëjtin titull, “Dafinë Moj” dhe është një duet me mamanë e saj, Melihate Zeqiri, e cila ka qenë edhe personi nga i cili Dafina ka trashëguar talentin për t’u marrë me muzikë.

Të tjera bashkëpunime përfshijnë emra të njohur nga estrada si: DJ Geek, Lyrical Son, MC Kresha, Elinel, Tuna, Argjentina Ramosaj, Ron, Lumi B dhe Buta.

Në kopertinën e albumit, Dafina shfaqet si një vajzë e thjeshtë në një lëndinë me qengja, teksa mban një prej tyre në dorë.

“Dedikuar një gruaje vërtetë shumë të veçantë, Melihate Zeqiri”, shkruhet në një rresht të nënvizuar në koopertinën e albumit “Dafinë Moj”.

Albumi mund të blihet si kopje fizike në GjirafaMall, teksa mund të gjendet edhe online në platformat muzikore, përfshirë YouTube.