Trajneri i ri i Interit, Simoen Inzaghi filloi punën e tij si trajner i Interit me një fitore në penallti ndaj Luganos, shkruan Insporti.

Pas ndeshjes miqësore, Inzaghi tha se Interi gradualisht po fut në rrjedha lojtarët e kthyer së fundmi dhe pret që të festojë fillimin e kampionatit me tifozët tanë.

“E dija që do të ishte një miqësore sfiduese. Djemtë ishin shumë seriozë, ishim dy gola disavantazh, por qëndruam në lojë, patëm një reagim të shkëlqyeshëm duke ditur që kishim rotacione të kufizuara”, ka thënë fillimisht Inzaghi për InterTV.

“Jam shumë i kënaqur. Ne u përpoqëm të fitonim deri në fund, jam i kënaqur me reagimin dhe angazhimin, me shumë lojtarë në fushë tashmë për 90 minuta”.

“Ngadalë ne do të fusim lojtarët që kthehen, me Stefan de Vrij dhe Marcelo Brozovic lojtarët e ardhshëm që po presim”.

“Ne jemi duke punuar me klubin në mënyrën më të mirë të mundshme dhe më 22 gusht do të jemi në gjendjen më të mirë të mundshme”.

“Atë ditë, do të ishte e mrekullueshme të festonim fillimin e kampionatit me tifozët tanë që mirëpresin kampionët e Italisë pas një periudhe kaq të vështirë”.

“Dashuria e tyre është shumë e rëndësishme. Primavera po na japin një dorë të shkëlqyeshme dhe disponueshmëri të madhe, unë e dija që kam djem që janë të gatshëm, sepse sektori i të rinjve Nerazzurri është i shkëlqyeshëm”.