Policia e Kosovës njofton se në një bankë në rrugën “Agim Ramadani” në Prishtinë janë deponuar para që dyshohet të jenë false.

Në raportin 24-orësh të PK-së, ankuesi ka thënë se paratë janë deponuar nga persona të ndryshëm.

“Ankuesi mashkull kosovar ka njoftuar policinë se, nga klientë të ndryshëm janë deponuara në bankë 462 € monedha dhe kartëmonedha të ndryshme që dyshohet se janë të falsifikuara. Paratë janë sekuestruar nga policia për hetime të mëtutjeshme. Nuk raportohet për të arrestuar. Rasti në hetime”, thuhet në raportin e PK-së.