“Deputetë/et s’kanë mandat me i cenu trupat tanë”, thuhet në pankartën e vendosur para Kuvendit të Kosovës, ku po mbahet protestë me kërkesën për miratimin e ligjit për shëndetin riprodhues dhe ferilizim të asistuar.

Në këtë protestë po kërkohet gjithashtu shkarkimi i Duda Baljes nga pozita e kryetares së Komisionit për të drejtat e njeriut.

Përpos këtyre, kërkohet të sanksionohen të gjithë deputëtët që në hapësira publike shprehen me gjuhë të urrejtjes ndaj komuniteteve të caktuara.

“Kush na mbron prej deputetëve”, “A e prish familjen IVF në spitale private”, ishin disa prej slloganeve të vendosura.