Deputeti nga radhët e Lëvizjes Vetëvendosje, Visar Korenica, tha se asnjë deputet i Kuvendit të Kosovës nuk e ka draftin e plotë për Asociacionin.

Kjo deklaratë e tij vjen pas kritikave nga opozita për mos transparencë.

“Ashtu sikurse edhe është kumtuar nga kryeministri se nuk mund të jetë publik ky draft derisa nuk është përfundimtar. Atë që e dinë, deputetët e mazhorancës të njëjtën informatë e kanë sikurse edhe deputetët e opozitës”, tha ai.

Sipas tij palët janë merr vesh që drafti të mos bëhet publik pa qenë përfundimtar.

“Palët në bisedime janë marrë vesh, se derisa nuk ka një draft përfundimtar për Asociacionin, ky draft të mos bëhet publik dhe të diskutohet jashtë tavolinës së Brukselit”, tha ai i ftuar magazinën “Info Plus” në RTK.