Deputetja e Lëvizjes Vetëvendosje, Tinka Kurti ka qenë e përfshirë në një aksident.

Bashkë me të kanë qenë edhe fëmijët dhe gjyshi. Por ajo thotë se ajo dhe familjarët e saj janë mirë.

”Familjarë e miq që jeni shqetësua sot nga lajmi i aksidentit, fëmijët, gjyshi dhe unë jemi mirë.  Shpëtuam fatbardhësisht. Ju falënderoj shumë për kujdesin! E paçit shëndetin“, ka shkruar ajo në Facebook.

Aksidenti është konfirmuar edhe nga Policia e Kosovës.

“Rreth orës 17:00 kemi pranuar informatën se në rrugën ‘Bedrush Çollaku’ në Prishtinë, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar pesë persona. Me rastin po merret njësiti i trafikut”, thuhet në përgjigjen e Policisë.