Shefi i Zyrës së Bashkimit Evropian në Kosovë, Tomáš Szunyog, ka reaguar pas përleshjes fizike mes deputetëve të Kuvendit të Kosovës nga ana e opozitës dhe pozitës.
Ai i quajti zhgënjyese këto skena dhe tha se në parlament nuk ka vend për sulme fizike, por duhet të mbizotërojë diskursi dhe shkëmbimi i ideve.
“Skena zhgënjyese të dhunës u panë sot në Parlament. Parlamenti nuk është vend për sulme fizike, por vend për të diskutuar propozime dhe politika në mënyrë demokratike. Diskursi dhe shkëmbimi i ideve janë themele bazë të demokracisë”, ka shkruar Szunyogu në Twitter.