Shërbimi Korrektues i Kosovës ka konfirmuar se një i burgosur në Qendrën në Dubravë është ankuar se është dhunuar seksualisht nga një i burgosur tjetër, shkruan Gazeta Insajderi.

Mirëpo, lidhur me pretendimet e tij sipas SHKK, mjeku kujdestar nuk ka vërejtur shenja të dhunës seksuale.

Por, sipas njoftimit të tyre ndaj të burgosurit është duke vazhduat trajtimi psikologjik dhe psikiatirik.

Rasti është raportuar edhe tek Policia e Kosovës.

Njoftim nga SHKK

Njoftojmë se me datë 21.11.2022, rreth orës 12:15, një i burgosur është ankuar te mjeku kujdestar se është dhunuar nga një i burgosur tjetër para më shumë se një muaji.

Mjeku kujdestar ka bërë ekzaminimet përkatëse dhe nuk ka vërejtur shenja të dhunës seksuale. Megjithatë, bazuar në Praktikat Standarde të Veprimit të DSHB për këto raste, është kërkuar dhe është duke vazhduar trajtimi psikologjik dhe psikiatrik i tij.

SHKK  menjëherë ka njoftuar Policia e Kosovës të cilët janë duke u marrë me rastin.

SHKK bazuar në rregullat e brendshme ka ofruar të gjitha mundësit Policisë së Kosovës që të hetoj rastin, ndërsa sipas rregullave të brendshme janë marrë masat adekuate për rastin deri në përfundim të procedurës hetimore.

SHKK edhe një herë shpreh përkushtimin për parandalimin e të gjitha rasteve të dhunës në burgje dhe në bashkëpunim me institucionet e tjera kompetente të veproj me kohë dhe sipas kompetencës.