Njëra nga ish-banoret më të përfolura të edicionit të tretë të Big Brother VIP Kosova, Diana, e cila nisi një raport të veçantë me Arionin brenda shtëpisë së famshme, vazhdon ta mbështesë atë edhe pas daljes nga spektakli.

Ajo në platformën X shkroi ”Ari, king behavior #Bbvipks3”, duke treguar hapur mbështetjen e saj ndaj tij.

Diana gjithashtu po promovon projektet muzikore të Arionit, duke ndarë këngët e tij në rrjetet sociale dhe duke e lavdëruar për talentin e tij.

Reagimi i saj i mbrëmshëm erdhi si rezultat i performancës së Arionit gjatë darkës së të nominuarve, ku qëndrimet e tij mbrojtëse ndaj Dianës u vlerësuan lartë.

Ky gjest duket se ka ngjallur emocion tek ish-banorja, e cila e ka cilësuar Arionin si një figurë të denjë për titullin e “mbretit” brenda dhe jashtë shtëpisë.

Kujtojmë që mbrëmë, Diana, anise jashtë shtëpisë më të famshme në vend, qe njëri ndër emrat më të diskutuar në darkën e të nominuarve.

Madje mosprezenca dhe loja e saj, solli edhe tension me polemika e përplasje mes Arionit dhe Gresës.