Ministria e Mbrojtjes dhe Forca e Sigurisë së Kosovës ka ftuar qytetarët që marrin pjesë në “Ditën e hapur”.

Ngjarja do të mbahet me rastin e Ditës së Forcës, më 27 nëntor, nga ora 10:00 deri në ora 14:00.

Në kazermën “Adem Jashari” në Prishtinë, nga ora 12:00, do të jenë të pranishëm udhëheqësit më të lartë shtetërorë, të cilët do të kanë adresim për media duke filluar nga ora 13:00.

Gjatë kësaj dite, qytetarët do të kenë mundësinë të vizitojnë kazermat e FSK-së në Prishtinë, Mitrovicë, Istog, Gjilan, Prizren, Ferizaj dhe Pomozatin, ku do të prezantohen dhe demonstrohen aftësitë dhe kapacitetet ushtarake të Forcës së Sigurisë së Kosovës.

Me rastin e Ditës së Forcës, Komandanti i Forcës së Sigurisë së Kosovës, Gjenerallejtënant Bashkim Jashari, ka uruar të gjithë personelin ushtarak dhe civil të FSK-së.