Drita ka njoftuar se të martën (nesër) do të dalin në shitje biletat për ndeshjen e kthimit kundër Royal Antwerp.

Drita dhe Antwerpi do të përballen të enjten me fillim nga ora 20:00 në stadiumin “Fadil Vokrri” në Prishtinë, në kuadër të rrethit të dytë kualifikues në Ligën e Konferencës.

Çmimi më i lirë i biletës është 2 euro në pjesën veriore të stadiumit, ndërsa më e shtrenjta 20 euro në zonën VIP.

Biletat do të shiten para teatrit të qytetit në Gjilan dhe në afërsi të stadiumit të qytetit. Shitja e biletave fillon nga ora 12:00 deri në ora 20:00.

Gjithashtu, biletat do të shiten edhe ditën e ndeshjes afër stadiumit “Fadil Vokrri” në dy pika të shitjes.