Ka përfunduar pa fitues derbi në Gjilan.

Gjilani – Drita u mbyll pa fitues, 1:1.

Pas këtij barazimi dhe fitores së Ballkanit, Drita lëshon kreun e tabelës.

Drita ishin të parët që shënuan në këtë takim.

Rron Broja me një gol të bukur i dhuroi epërsinë atyre.

Pjesa e parë u mbyll 1:0 në favor të Dritës.

Gjilani arritën të barazojnë pas një penalltie mjaft diskutabile.

U deshtë kohë e gjatë që gjyqtari të vendos a ishte penallti, apo faull në sulm.

Por, në fund ai vendosi dhe akordoi penallti për gjilanasit.

Mevlan Zeka u tregua i saktë nga pika e bardhë, në minutën e 82’ të ndeshjes.

Pas këtij barazimi, Drita bie në vendin e dytë me 67 pikë, dy më pak se Ballkani, kurse Gjilani ka 52 pikë në vendin e tretë.