Dua Lipa do të performojë sonte në “VO5 NME Awards 2017”, e cila mbahet në Londër, ku pjesë e kësaj ceremonie do të jenë edhe shumë artistë tjerë të njohur.

Kjo performancë ndryshe njihet edhe si “Grupet për refugjatë”, gjersa shikuesit mund të dhurojnë të holla për të ndihmuar refugjatët duke dërguar mesazhin “REFU” në numrin 70700, mesazh ky që do të kushtoj 5 pound, shkruan KultPlus.

Pjesë e kësaj performancë do të jenë: Charli XCX, Pixie Geldof, Marika Hackman dhe anëtarët e Years & Years, Swim Deep, Black Honey, Slaves, Circa Waves dhe Peace.

VO5 NME Awards 2017, do të transmetohet live në Facebook, në faqen zyrtare të ceremonisë.