Kejvina Kthella është një tjetër personazh që është kapur mat këtë verë, teksa po shijon pushimet në bregdetin francez.

Në një video të publikuar, personazhi televiziv, shihet teksa puthet dhe përqafohet me një djalë, identiteti i të cilit ende nuk është zbuluar.

E veshur me një fustan rozë, Kejvina duket në super formë fizike ndërsa djali që e shoqëron është i veshur me një këmishë jeshile teksa mban syze dielli.

Dyshja shihet të jetë duke shijuar një drekë në Saint-Tropez, Francë. Deri tani nuk ka ndonjë reagim të Kejvinës lidhur me videon që është bërë virale në rrjetet sociale.