Janë kompletuar skuadrat gjysmëfinaliste në garën më të madhe për klube në Evropë, Ligën e Kampionëve.

Të mërkurën në mbrëmje, Manchester City dhe Liverpooli iu bashkuan Real Madridit dhe Villarrealit në gjysmëfinale për këtë edicion.

Kësisoj, kryendeshja e kësaj faze do të jetë ajo në mes Manchester Cityt dhe Real Madridit. Takimi tjetër është mes Liverpoolit dhe Villarrealit.

Manchester City – Real Madridi është ndeshja e parë gjysmëfinale e cila zhvillohet në “Etihad” më 26 prill. Ndeshja e kthimit luhet më 4 maj.

Liverpooli dhe Villarreali luajnë ndeshjen e parë në “Anfield” më 27 prill, kurse ndeshjen e kthimit më 3 maj në “La Ceramica”.