Liga e Kampionëve rikthehet mbrëmjen e sotme me dy sfida të jashtëzakonshme të vlefshme për fazën çerekfinale të kompeticionit. E cilësuar një finale e parakohshme dhe nuk pritet të zhgënjejë aspak sportdashësit, është ndeshja Manchester City-Bayern, ndërsa në ‘Etihad’ të gjitha biletat janë shitur.

Mungesat nuk janë një problem për qytetarët të cilët do të luajnë pa Foden, ndërsa në anën tjetër sulmuesi kryesor i skuadrës Chupo Moting nuk është në dispozicion. Vec kamerunasit Thomas Tuchel do të luajë pa Hernandez, portierin Neuer dhe Vaner. Në 10 përballjet e fundit në të gjitha kompeticionet bilanci është i barabartë, 5 fitore Bayerni dhe 5 Manchester City, ndërsa ndeshja më kulminante cilësohet kjo e sotmja.

Një tjetër përballje shumë interes është ajo që luhet në Lisbonë mes Benficas dhe Interit. Portugezët cilësohen favoritë poër triumfin në këtë përballje, kjo dhe për statistikat e jashtëzakonshme të kësaj skuadre, e cila në grupe shkëlqeu ndaj PSG-së dhe Juventusit. Dy herë janë përballur me njëra-tjetrën, kun ë 2004-ën Interi mposhti Benfican në Europa Ligë. Nga 3 lojtarë nuk janë në dispozicion për secilën skuadër, ndërsa gjyqtar i takimit është britaniku Michael Oliver.