Policia e Kosovës ka arrestuar një person për armëmbajtje pa leje në Ferizaj.

45 vjeçari kishte publikuar armën e zjarrit në rrjetet sociale dhe pas një pune intensive të policisë, i dyshuari është identifikuar dhe është shoqëruar në polici për intervistim.

“Është shoqëruar në stacionin e policisë personi R.F ( M/K) i moshës 45 vjeçar dhe pas intervistimit nga policët hetues, me vendim të prokurorit të rastit është liruar për procedurë të rregullt hetimore, ndërsa arma e zjarrit është konfiskuar”, njofton policia.

Rasti është cilësuar ‘Mbajtja në pronësi, kontroll ose posedim të paautorizuar të armëve’.