Si lidere e shtëpisë, Kiara Titos mbrëmjen e djeshme iu dha një avantazh në lojë, ku ajo pati mundësi të merrte informacion nga jashtë, si ishte interpretuar loja e saj deri tani në “BBV”.
Produksioni kishte përgatitur për të një klip me disa nga titujt e lajmeve që kanë qarkulluar këto kohë në lidhje me të dhe situatat që është përfshirë brenda shtëpisë, ku pjesë e klipit ishte edhe reagimi i Efit në lidhje me konfliktin e saj të fundit me Luizin.
E gjitha kjo përnjëherësh ishte si një tronditje për Kiarën, e cila doli shumë e prekur nga dhoma e rrëfimit.
Në lidhje me këtë avantazh, pra informacionin që iu dha nga jashtë ka reaguar edhe shoqja e Kiarës, Klea Huta, e cila është edhe bashkëshortja e producentit, Elgit Doda.
Kjo e fundit me anë të një postimi në Instastory, ka shprehur revoltën e saj për klipin që iu servir Kiarës, duke e cilësuar një përmbledhje të shëmtuar.
Përpos kësaj, Klea ka ndarë në Instagram edhe kuptimin e fjalës avantazh në fjalor,, duke dashur të tregojë që kjo fjalë do të thotë një përfitim, një epërsi dhe jo një goditje që sipas saj iu bë Kiara Titos.