Ekonomia gjermane u kontraktua gjatë tre muajve të parë të vitit pasi vendi ndërmori një sërë tjetër masash kufizuese drastike për të parandaluar një valë të tretë të pandemisë.

“Ekonomia më e madhe në Evropë shënoi një rënie me 1,7% në tremujorin e parë krahasuar me një rritje prej 0,5% në tre muajt e fundit të vitit të kaluar”, njoftoi sot Zyra Federale e Statistikave (Destatis).

Analistët kishin parashikuar një tkurrje të Bruto prodhimit vendor (BPV) prej 1,5% gjatë tre muajve të parë të vitit.

Tremujori i parë pati një rënie prej 3,3% në raport me një vit më parë, kur kriza e koronavirusit goditi për herë të parë ekonominë botërore.