Egzon Bislimi, porteri i Prishtinës së Re, pati paraqitje fantastike në ndeshjen e së dielës kundër Dinamos së Ferizajt.

Egzon Bislimi ishte më meritori që skuadra e tij, do luaj ndeshjen e barazhit ndaj Feronikelit ‘74.

Edhe pse pranoi tre gola në 120-të minuta, vlerat e tij u treguan në momentin e ekzekutimit të penalltive.

Prishtina e Re ishte me fat që në portën e tyre, ishte Bislimi, pasi që sulmuesit nuk ishin në formën e tyre më të mirë, duke humbur penallti që mund t’i kushtonin shumë.

Me tre pritje gjatë penalltive, Egzon Bislimi ishte figura kyçe, ku dje klubi nga kryeqyteti festoi fitoren më të madhe që nga krijimi.