Përfaqësuesja e Kosovës sot do të zhvillojë ndeshjen e parë të vitit 2022 dhe të parën nën udhëheqjen e përzgjedhësit të ri, Alain Giresse.

Burime të Insajderit bëjnë të ditur se përzgjedhësi francez ka vendosur që nga minuta e parë të jetë Samir Ujkani dhe jo Visar Bekaj.

Ujkani është kapiteni i parë i Kosovës dhe ai do të startojë nga minuta e parë ndaj Burkina Fasos.

Ndërkohë Bekaj pret të ketë minuta pasi vet Giresse ka deklaruar në konferencë për shtyp se dëshiron t’i shoh të gjithë futbollistët e grumbulluar duke luajtur.

Përkunduër formës së lartë të Bekajt, përsëri nuk po i jepet rasti që të nis ndeshje nga minuta e parë për Kosovën.

Giresse duket se do të vazhdojë filozofinë e paraardhësit së tij, Bernard Challandes.

Kujtojmë që Ujkani luan në Empoli në Serie A, megjithatë është zgjedhja e dytë dhe nuk ka bërë asnjë paraqitje deri më tani.

Ndërsa, Bekaj është ndër kryesorët në skuadrën e Tiranës në kampionatin shqiptar.

Zgjedhja e parë në portën e Kosovës është Aro Muric, por ai pritet të pushohet për këtë ndeshje. Ai do të jetë titullar në ndeshjen me Zvicrën, të martën në Zurich.

Kosova dhe Burkina Faso takohen me fillim nga ora 18:00 në stadiumin ‘Fadil Vokrri’. /Insajderi.org./