×
Aktuale

Ekskluzive: Izet Sheqiri e Bledar Habili, dy biznesmenët që kanë në pronësi kamionin që transportoi 6 miliard euro kokainë

Insajderi
17 May 2021 - 15:13
Klikoni Këtu për t'u bërë pjesë e kanalit të Insajderit në Youtube.

Pjesë e një skeme të transportimit të një sasie të madhe të kokainës që ka arritur në Kosovë përmes portit të Durrësit, është edhe një kamion në posedim të një kompanië shqiptare, “MC Foods” ku aksionar janë dy bisnesme, Izet Sheqiri nga Kosova dhe Bledar Habili nga Shqipëria. Kamioni me sasinë mbi 400 kg është kapur në komunën e Lipjanit, si destinacion i fundit, aty ku ndodhet depoja e kompanisë “MC Foods”. Operacioni i gjerë është realizuar nga DEA amerikane, policia Italiane, shqipare dhe në fund Policia e Kosovës, e cila është duke e vazhduar aksionin.

Një sasi e konsiderueshme e kokainës është sekuesturar sot nga Policia e Kosovës, në një depo në Lipjan. Sasia e drogës që është transportuar përmes portit të Durrësit, raportohet të jetë 2.2 tonë që kap vlerën e mbi 6 miliardë eurove.

Operacioni është kryer nën koordinimin e DEA-s amerikane, të cilët kishin informacion që në origjinë për ngarkesën në fjalë duke i vendosur GPS për të parë se ku do të shkonte. Krahas DEA-s, në operacion janë përfshirë pala italiane, si vendi ku konteineri bëri tranzitin për në Shqipëri, pala shqiptare si edhe policia e Kosovës pasi u zbulua se cili do të ishte destinacioni final i tij.

Mësohet se para 15 ditësh sasia e madhe ka ardhur në Durrës dhe ka qenë në vëzhgim nga policia.

Kamioni i kuq me targa “01 263 OD” ka qenë duke bartur mish në mesin e të cilit është gjetur kokaina dhe destinacioni i fundit ka qenë Kosova. Ky kamion, që ka bartur drogën në Lipjan është aset i kompanisë “MC Foods”. Në këtë kamion janë kapur sasia mbi 400 kg.

Kjo kompani është në pronësi të binzesmenit nga Kosova, Izet Sheqri dhe atij nga Shqipëria, Bledar Habili nga Shqipëria, shkruan Gazeta Insajderi.

Këta dy biznesmen ishin bashkuar në nëntor të vitit të kaluar, duke krijuar kompaninë “MC FOODS”. Insajderi ka siguruar dokumentacionin e krijit të këtij bisnesi. Sipas këtij dokumenti, Izet Sheqiri bartë 60% të aksioneve të kompanisë, derisa Bledar Halilaj 40% të tyre, shkruan Insajderi.

Veprimtaria e këtij biznesi, sipas Agjencisë së Bizneseve OpenCorporates.al kryesisht tregtimi me shumice e pakice, import eksport te artikujve te ndryshem ushqimore e industriale, fruta perime, automjete, pjese kembimi, prodhim dhe tregtim materiale ndertimi, inerte etj.

Kompania “MC Foods”, figuron si biznes edhe në Agjencinë për regjistrimin e Bizneseve në Kosovë.

Aksioni i Policisë së Kosovës, është duke vazhduar deri tash raportohet se është arrestuar një person në Lipjan.

Bledar Habili, nuk është person i panjohur në Shqipëri. Ai është i përfshirë edhe në skandalin e tjetërsimit të pronave në zonën bregdetare të Spilles.

Sic kishin raportuar mediat në Shqipëri, Halilaj nga përfituesit e një prone, në mesin e 36 hektarëve të tokës së shtetit e cila ishte pjesë e një skeme të falsifikimit të zyrtarëve dhe tjetërsimit nga bisnesmenë të njohur shqiptarë. Skandali ishte zbuluar para disa vitesh, ku policia e Shqipërisë kishte arrestuar disa persona të përfshirë në skandal. /Insajderi.org

Gjithçka që është raportuar deri tash rreth këtij skandali:

OP-ED
Nga Rubrika

© 2016-2024 Gazeta Online Insajderi - Të gjitha të drejtat e rezervuara.

Impressum

Kontakt

Trademark