Çiftet që kanë shumë të përbashkëta kanë më shumë gjasa të dalin në një takim, siç tregojnë gjithnjë e më shumë studimet në vitet e fundit.

Kjo teori shtrihet edhe në pamjen fizike, çiftet, ku gruaja është shumë më e bukur se burri kanë më shumë gjasa të përfundojnë në divorc.

“Disa studime tregojnë se çiftet që nuk janë në nivele të ngjashme të pamjes së jashtme, priren të kenë marrëdhënie romantike më pak të suksesshme”, siç konfirmon profesoresha e Psikologjisë Sociale Madeleine Fugère në artikullin e saj në Psychology Today.

Në përgjithësi, ne jemi të tërhequr nga njerëz që janë më tërheqës se ne. Megjithatë, sado që ne admirojmë dikë, shumica prej nesh nuk i afrohet sepse mendojmë që është një gjë e pamundur.

Një burrë me pamje mesatare ka më shumë gjasa që t’i afrohet një gruaje që është në një nivel të ngjashëm me të sesa një modele. Sepse sipas një studimi, femrat që kanë partnerët e tyre shumë më pak tërheqës se ata, kanë më shumë gjasa të flirtojnë me të tjerët dhe të kenë marrëdhënie jashtëmartesore.

Të ngjashme ishin përfundimet e një studimi tjetër, i cili arriti në përfundimin se çiftet që nuk përputhen vizualisht, kanë marrëdhënie më të shkurtra dhe më pak të suksesshme, jo sepse anëtari më tërheqës është më i prirur ndaj tradhtisë, por sepse anëtari më pak tërheqës është më i prekshëm nga xhelozia.

Zbuloni perimen që ka veti shëruese! Ul vdekshmërinë dhe sëmundjet kardiovaskulare
Nga ana tjetër, një sondazh i kryer nga Universiteti i Kalifornisë me 82 çifte të porsamartuar arriti në përfundimin se burrat që janë martuar me gra shumë më tërheqëse, në përgjithësi, janë më të lumtur me marrëdhënien e tyre.

“Ata janë gjithashtu më mbështetës, më efektivë dhe më pozitivë për të ndihmuar gratë e tyre me problemet e tyre”, përfundoi profesori Benjamin Karney. Ndoshta falë virtyteve të karakterit të tyre, gratë e tyre priren të anashkalojnë “dobësitë” e jashtme.

Edhe profesoresha e Psikologjisë Sociale Fugere konfirmoi se jo gjithçka është bardh e zi. Në fakt, çiftet që ishin miq përpara se të bëheshin të dashuruar, kanë më shumë gjasa të anashkalojnë çdo dallim të jashtëm.

“Nëse takimit i paraprin një miqësi e gjatë, atëherë pamja e jashtme mund të jetë më pak e rëndësishme për fillimin dhe ruajtjen e një lidhjeje”, shprehet ajo.