Eksperti amerikan i demarkacionit Fletcher Burton, i ftuar për të vlerësuar vijën kufitare me Malin e Zi ka thënë se vija kufitare me Malin e zi është në rregull dhe nuk e dëmton integritetin territorial të Kosovës.

“Demarkacioni me malin e zi është në rregull dhe si rrjedhojë nuk dëmtohet integriteti territorial i Kosovës”, tha Burton në një konferencë për medie të organizuar nga presidentja e Kosovës, Atifete Jahjgaga.

Ai u shpreh i bindur se procesi i demarkacionit kishte një “bazë shumë të fortë ligjore”.

“Procesi kishte një bazë shumë të fortë ligjore. Kemi gjetur se nga aspekti ligjor procesi dhe puna e Komisionit kosovar Shtetëror për Shënimin e Kufirit me Malin e Zi ka pasur legjitimitet” ka thënë Burton.

Ndërsa Atifete Jahjaga u kërkoi partive politike në Kosovë që ta marrin parasysh vlerësimin e bërë nga ekspertët ndërkombëtar. /Insajderi.com