Kombëtarja e Sllovenisë është eliminuar në mbrëmjen e së mërkurës nga Kampionati Evropian, pasi pësoi humbje nga Polonia me rezultat 90:87 në çerekfinale, shkruan Insajderi.

Basketbollisti më i mirë i sllovenëve, Luka Donçiç nuk ishte në natën më të mirë dje pasi arriti të shënonte vetëm 14 pikë dhe këtë e ka pranuar edhet vetë ai.

“Nuk di çfarë të them, nuk isha qind për qind, mora një injeksion në tremujorin e tretë, por nuk është kjo arsyeja pse luajta keq. Kam zhgënjyer ekipin dhe gjithë kombin… duhet të jetë më mirë”,

Donçiç e mbylli ndeshjen më herët për shkak të pesë gabimeve personale, ndërsa gjatë ndeshjes ishte i pakënaqur me gjyqtarët.

“Nuk di çfarë të them për gjyqtarët. Unë gjithmonë do të luaj për Slloveninë, sa herë që mundem dhe nëse jam i shëndetshëm.”

Krejt në fund të deklaratës së tij, ai uroi dhe lavdëroi polakët për fitoren. /Insajderi/