Empoli është kthyer në vitrinën e preferuar të klubeve italiane megjithëse merkatoja gjendet ende disa muaj larg.

Emrat e mëdhenj të Serisë A kanë nisur gjuetinë për xhevahirët e skuadrës së Andreaxolit dhe ndër emrat e parapëlqyer janë edhe ata të Asllanit dhe Bajramit.

Përpos ekipeve si Napoli, Interi apo Juventusi, tashmë në skenë del edhe Atalanta.

“La Repubblica” raporton se ekipi i Gasperinit po monitoron Kristjan Asllanin, i cili ka treguar që në sezonin e parë në Serinë A se premton për një karrierë të madhe.

Gjithashtu 19-vjeçarin shqiptar e pëlqen gjithashtu edhe Bolonja, ndërsa pas Bajramit janë vënë ndër të tjera edhe Verona, Lacio e Fiorentina.