Ministri i Bujqësisë, Faton Peci ka reaguar pas videos së publikuar sot. Në video shihet teksa Peci, nuk reagon kur një kamarier i një lokali largon dhunshëm në prezencë të tij, një të mitur lëmoshkërkuese.

Peci ka thënë se distancohet nga çdo akt që përcjellë dhunë, por që nuk është përgjegjës për veprimet e asnjë individi të moshës madhore, përcjell Insajderi.

“I ka rastisur secilit që kur bisedon me tjetrin, vëmendja është vetëm tek bashkë-biseduesi e jo tek i gjithë lokali. Nga ana tjetër, unë nuk jam përgjegjës për veprimet e asnjë individi të moshës madhore e sidomos të një të punësuari në një nga lokalet e qytetit; ku ndaj veprimeve si në video, distancohem plotësisht”, ka shkruar Peci.

Në postimin e tij, ai e ka quajtur Behgjet Pacollin “politikan të Kremlinit”, pasi ky i fundit reagoi kundër Pecit.

Postimi i plotë: