Nga data 13 deri deri më 20 gusht të këtij do të mbahet Festivali i Arteve dhe Kulturës Tradicionale “EtnoFest”. Sikurse edhe në edicionet, edhe në këtë edicion, të 13-in më radhë, ky aktivitet i madh kulturor do të mbahet në fshatin Kukaj, në afërsi të Prishtinës.

Temë bosht e këtij edicioni do të jetë liria.

Tradita shqiptare ka qenë koncepti kryesor që gjithmonë e ka përcjellë festivalin “EtnoFest” përmes muzikës, valles, instrumenteve dhe perfomancave të shumta. Edhe këtë vit si çdo herë “EtnoFest” nga 13-20 gusht do të sjellë mysafirë nga trojet shqiptare për të promovuar kulturën tonë të larmishme.

Festivali ka një karakter multimedial, me tre programe të bazuara në traditë: shfaqje teatrale, ekspozita, koncerte, rite arkaike dhe shfaqje bashkëkohore me një përmbajtje të bazuar në traditë.

Themeluesi i “EtnoFest” është profesori dhe regjisori i mirënjohur i teatrit, Fadil Hysaj.

Ky festival është një nga ngjarjet më të rëndësishme kulturore në Kosovë dhe një markë jashtëzakonisht e vlershme e diskutimeve për artin, të kaluarën dhe të tashmen e kulturës dhe shoqërisë sonë.