Etnologu i njohur shqiptar, Dr. Valon Shkodra, punonjës shkencor në Institutin Albanologjik të Prishtinës, është prezantuar me një trajtesë shkencore në simpoziumin e mbajtur në qytezën shqiptare të Tuzit, që gjendet afër Podgoricës, kryeqytetit të Malit të Zi.
Ky simpozium shkencore kishte mbledhur studiues të ndryshëm dhe kryetemë e tij ishte xhubleta shqiptare. Organizatore e këtij aktiviteti është Komuna e Tuzit, e cila udhëhiqet nga shqiptarët.
Trajtesa e etnologut Shkodra mbante titullin “Xhubleta dhe prezantimi i saj në institucionet tona kulturore”. Ligjërimi shkencor i etnologut të lartpërmendur është mirëpritur dhe vlerësuar nga të pranishmit dhe dashamirësit e trashëgimisë kulturore dhe shpirtërore shqiptare.