Ne konferencën ndërkombëtare të ICTM Study Group on Multipart Music që po mbahet në Cremona, Itali, studiuesi Visar Munishi u paraqit me temën ‘Heterophony in Kosovo- A disappearing singing tradition”.

Kjo konferencë u organizua nga Departamenti i Muzikologjisë i Universitetit të Pavia-s në Itali.

Etnomuzikologu Munishi është shprehur i lumtur për pjesëmarrjen në “MultipartMusic Cremona”. Ai, po ashtu, ka pohuar se ndihet edhe më i lumtur për përzgjedhjen e Heterofonisë së Opojës si temë studimi.

Visar Munishi është punonjës shkencor në Institutin Albanologjik të Prishtinës, gjegjësisht në Degën e Folklorit. Ai, njashtu, është pjesë e projektit etnokulturor për krijimin e “Atlasit etnografik të Kosovës”, që është një nga projektet tejet të rëndësishme të Institutit Albanologjik të Prishtinës.