Kandidati nga Partia Demokratike e Kosovës për kryetar të Skenderajt, Fadil Nura, ka thënë se mbështetja e sektorëve të bujqësisë është prioritet i qeverisjës së tij.

Nura ka premtuar se sapo ta marrin drejtimin e komunës do të fillojnë t’i zbatojnë planet në kuadër të zhvillimit ekonomik.

“Mbështetja e sektorëve të bujqësisë, në kuadër të zhvillimit ekonomik të komunës sonë, mbetet prioritet i qeverisjes sonë”, ka thënë Nura,

Ai më tej ka shtuar se do t’i mbështes fermeret në mënyrë që të krijojnë më shumë vende të punës dhe t’i ngritin kapacitetet me të cilat punojnë.

“Do të përkrahen edhe më shumë, në mënyrë që të rrisin kapacitetet e tyre punuese, e rrjedhimisht edhe numrin e të punësuarve, çka është synim i ynë në mandatin 4 vjeçar”, është shprehur ai.