Ish-mbrojtësi i Manchester United, Rio Ferdinand, beson se Topi i Artë për vitin 2022 është i Karim Benzema.

Pasi pa francezin duke shënuar një hat-trick të dytë radhazi në Ligën e Kampionëve, këtë herë në Stamford Bridge kundër Chelseat, Ferdinand mbeti i mahnitur nga sulmuesi i Real Madridit.

“Ata tashmë duhet të shkruajnë emrin e Karim Benzemas në Topin e Artë të radhës”, tha Ferdinand për “BT Sport”.

Ferdinand është kokë e këmbë me mënyrën se si Benzema ka evoluar në epokën pas Cristiano Ronaldos te Real Madrid, dhe lëvdata e anglezit vazhdonin të vinin.

“Ky është fundi i biznesit dhe ai vazhdon të shënojë,” tha Ferdinand për Benzema.

“Ai e ka marrë Real Madridin në krye të ligës në La Liga Santander. Ata po fluturojnë dhe ai është hajmali.

“Kur Cristiano Ronaldo ishte atje, ai kishte përulësinë të ulej në prapavijë sepse e dinte se çfarë i duhej skuadrës, por tani ai ka dalë nga hija.

“Ai është 34 vjeç dhe është numri 9 më i mirë në botë. Ai është në një nivel tjetër.

“Ai ka gola, asistime, vizion, ai mund të bëj gjithçka.”