M.B. tri vite më parë kishte qëlluar për vdekje babain e saj.

Vajza nga Kosova me vendbanim në Zvicër pretendon se vrasja ka ndodhur pas një konflikti të çastit dhe, sipas saj, po të mos e bënte atë nëna e saj nuk do të ishte gjallë.

“Po të mos kisha qëlluar, nëna ime nuk do të ishte më këtu. Ai bërtiste që do të iu vras të gjithëve. Kemi vuajtur shumë nga ai. Jam e lumtur që arrita ta shpëtoj nënën nga ai”, ka thënë vajza 21 vjeçare.

Për prokurorin akti është një vrasje me dashje. Ai kërkon dënim me burg pa kushte prej pesë vitesh.

“Akti ishte shumë afër një vetëmbrojtjeje të justifikuar”, tha prokurori.

Viktima mësohet se kishte drejtuar një biznes të shitjeve të makinave në Zvicër.