“Hana e re” dhe “Prishtinë 2002” janë dy filma artistikë kosovarë, të financuar nga Qendra Kinematografike e Kosovës, të cilët patën premierën e tyre në “Dokufest”

I pari është me skenar dhe regji të Jehona Berishës dhe producent Jetmir Zenelajn, teksa i dyti me regji të Trëndelina Halilit dhe producent Ermal Gërdovcin.

Të dy filmat e lartpërmendur janë në garë për filmin më të mirë të shkurtë në kategorinë nacionale.

Me synim rrjetizimin mes kineastëve të rinj dhe producentëve botërorë, pas shfaqjes u organizua koktej rasti ku të pranishëm ishin drejtuesja e QKK-së Blerta Zeqiri, anëtarë të këshillit drejtues dhe stafi i Qendrës Kinematografike të Kosovës.