Kandidati për deputet nga radhët e Lidhjes Demokratike të Kosovës, Florent Ukaj, ka vizituar gjatë ditës së sotme Planej të Hasit, ku është pritur nga Sheh Tahiri, shkruan Insajderi.

Ukaj u shpreh se bisedat e tilla për temat aktuale, për harmoninë ndërfetare që ne si komb e kemi, ndihmojnë që të jemi afër njëri tjetrit.

“Pritje me plot entuziazëm në Planej të Hasit nga Sheh Tahiri. Biseduam për temat aktuale, për harmoninë ndërfetare që ne si komb, falë kulturës dhe traditës po arrijmë të jemi afër njëri tjetrit.”

“Na nderojnë këto vizita, na nderojnë me pritjet dhe ngrohtësinë që po na e japin, që me besim të vazhdojmë rrugës së drejtë.” – shkroi ai./Insajderi.org/