Kandidatja për kryetare të Podujevës nga PDK, Floretë Zejnullahu, ka takuar sot disa biznese në këtë komunë.

Zejnullahu ka premtuar se prioriteti kryesor për zhvillim ekonomik është krijimi i një ambienti të përshtatshëm për bizneset dhe iniciativat private si dhe shtimi i investimeve të huaja.

Ajo ka shkruar se bizneset kanë ikur nga Podujeva për shkak të pengesave nga udhëheqjet e mëparshme. Por ka thënë se kjo nuk do të ndodhë më.

“Komuna jonë do të jetë partnere dhe në shërbim të ndërmarrjeve të cilat operojnë në territorin e komunës”, ka shkruar Zejnullahu në Facebook.