Kandidati për deputet nga radhët e Partisë Demokratike të Kosovës, Kujtim Gashi, ka folur rreth programit të Rimëkëmbjes ekonomike të PDK-ës.

Gashi është shprehur se Programi i Rimëkëmbjes ka një fond prej 15 milionë euro për t’i financuar projektet rinore, ku bëjnë pjesë edhe iniciativat e të rejave të vendit tonë.

“Edhe gjatë kohës sa drejtuam Ministrinë e Rinisë, përmes Fondit Rinor, kemi mbështetur shumë vajza të reja të cilat sot kanë bizneset e tyre të qendrueshme. Kanë filluar me nga një e dy punëtorë, ndërkohë kanë rritur numrin e të punësuarve me nga shtatë e tetë punëtorë.” – tha ai.