Gërvalla ka thënë se ambasadorëve të akredituar u kanë ofruar informacione mbi situatën e sigurisë në Kosovë dhe kanë prezantuar qëndrimin zyrtar për sulmin e tmerrshëm terrorist.
“I kemi bërë thirrje bashkësisë ndërkombëtare që të denoncojë fuqishëm veprimet destabilizuese të institucioneve shtetërore serbe dhe degëve brenda Republikës së Kosovës”, ka shkruar Gërvalla.
Kryediplomatja kosovare ka thënë se në takim kanë theksuar se institucionet e Kosovës edhe një herë treguan përkushtimin e tyre për profesionalizëm dhe maturi.
“Qeveria përsëriti përkushtimin e saj të palëkundur për t’i shërbyer të gjithë qytetarëve pa dallim, duke ruajtur integritetin tonë territorial dhe sigurinë kombëtare”, ka shtuar ministrja.
Ajo ka thënë se në takim kanë theksuar përkushtimin për bashkëpunim dhe përpjekje të koordinuara me partnerët dhe aleatët.
“Ne theksuam përkushtimin e Kosovës për bashkëpunim dhe përpjekje të koordinuara me partnerët dhe aleatët tanë. Kosova mbetet e përkushtuar për të shërbyer si forcë për paqe dhe stabilitet të qëndrueshëm në rajonin tonë dhe më gjerë”, ka përfunduar kryediplomatja Gërvalla.
Yesterday, together with PM @albinkurti we hosted the ambassadors and diplomats accredited to the Republic of Kosova.
The primary focus of this crucial meeting was to address the recent terrorist attack on the Kosova Police.
— Donika Gërvalla-Schwarz (@gervallaschwarz) September 28, 2023