Një i burgosur është gjetur pa shenja jete në dhomën e tij në Qendrën e Paraburgimit në Gjilan.

Sipas Shërbimit Korrektues të Kosovës, i burgosuri është B.E.

SHKK njofton se i menjëhershëm ka qenë intervenimi i stafit korrektues, atij mjekësor dhe emergjencës.

Lidhur me rastin janë njoftuar Policia e Kosovës dhe prokurori, ndërsa SHKK ka filluar të bëjë hetimet procedurale dhe administrative.

Njoftimi i plotë:

Shërbimi Korrektues i Kosovës, njofton se sot rreth orës 12:40 në Qendrën e Paraburgimit Gjilan, i burgosuri me inicialet B.E. është gjetur pa shenja jeta në dhomën e tij.

Me të kuptuar për rastin, i menjëhershëm ka qenë intervenimi i stafit korrektues, atij mjekësor të qendrës dhe emergjencës së qytetit, por përkundër përpjekjeve për reanimim nuk kanë arritur ta kthejnë në jetë.

Lidhur me rastin janë njoftuar Policia e Kosovës dhe prokurori, ndërsa SHKK ka filluar të bëjë hetimet procedurale dhe administrative.

Autopsia do të verifikojë shkakun e vdekjes, thuhet në njoftim